Siglir tar il cuntegn

Header

cuntegn

Punt da Gurlaina La punt istorica a Scuol vegn sanada

La ruina fa quitads als responsabels. La punt survegn ina revisiun cumplessiva.

Sut squitsch – en furma da sablunar – vegn la colur veglia allontanada. Quai natiralmain en in pachetadi serrà ermeticamain. La colur na dastga betg vegnir en il flum e far donn als animals. Sper la sanaziun da la construcziun vegnan era refatgs ils pilasters ed il fund da lain.

115 onns veglia

Dal 1905 era questa punt vegnida fabritgada sco attracziun turistica per dar als giasts la pussaivladad da traversar l’En. Dapi il 1980 na dastga pli nagin trafic motorisà passar quella. Be peduns e bikers, tranter auter passa sur quella punt era il «Bike-Maraton dal Parc Naziunal».

video
Sanaziun da punt da Gurlaina Scuol
Or da Giuventetgna dals 23.04.2020.
laschar ir. Durada: 43 Secundas.

Investir en la segirezza

Questa punt ha ina lunghezza da 145 meters e 70 meters autezza. Singulas persunas han nizzegià quella punt per far suicidi. Il vitg da Scuol prevesa perquai d’investir era en la segirezza. La saiv vegn pli auta e betg pli a l'ur da la punt – uschia ins vul preservar da decider da raiver suravi. Plinavant vegnan era montadas tavlas d’infurmaziun cun si il numer dal clom d’agid.

audio
Las sfidas per la renovaziun da la punt Gurlaina a Scuol
ord Actualitad dals 24.04.2020.
laschar ir. Durada: 3 minutas 2 Secundas.

Las lavurs da revisiun cumplessivas duran anc enfin in november 2020. Il vitg da Scuol investescha radund 2,2 milliuns francs en las lavurs da la punt da Gurlaina che stat sut protecziun da monuments Grischuna.

RTR actualitad 12:00

Artitgels legids il pli savens