Las lavurs da preparaziun per il project spectacular han cumenzà il mais da matg. In consorzi da trais firmas ha bajegià si ina plattafurma speziala. Là sa chattan lura ils containers cun las chombras da cumpressiun per ils sfunsaders ed ils biros per l'entira squadra accumpagnanta. Ils custs totals per la sanaziun muntan a 24,5 milliuns francs.
video
Isolà per 30 dis dal rest dal mund
Or da Actualitad dals 17.06.2016.
laschar ir. Durada: 3 minutas 22 Secundas.
In mais sut pressiun permanenta
Per pudair lavurar radund 110 meters sut la surfatscha da l'aua ston ils sfunsaders viver in mais permanentamain sut ina pressiun da 10 bar. Il zercladur ed il settember lavuran els davent dad ina plattafurma speziala. A la fin da las lavurs ston ils sfunsaders far tras ina fasa da decumpressiun da 5 dis per pudair sortir da la chombra da cumpressiun.
audio
Saira: Sanaziun Punt dal Gall - lavurs dals sfunsaders cumenzan
ord Actualitad dals 17.06.2016.
laschar ir. Durada: 5 minutas 5 Secundas.
Fatgs davart la plattafurma sin il lai da fermada
- 51 elements
- in element paisa 5 tonnas
- vegnan per gronda part da la Frantscha
RR actualitad 17:00