Siglir tar il cuntegn

Header

video
Ina punt che duess colliar - sparta
Or da sil punct dals 10.07.2020.
laschar ir
cuntegn

Punt sparta Samedan Ina punt nova duess colliar Samedan cun il center d’industria

L’En e la via principala spartan il vitg da Samedan e ses center d’industria. Il pievel ha da decider davart ina punt che duess colliar quai ch'è dividì.

Il suveran da Samedan ha da decider ils 19 da fanadur davart d’in credit da 1,6 milliuns francs per colliar il territori industrial da Cho d’Punt cun la vischnanca.

Cunter il project è sa furmada opposiziun

Il credit era vegnì approvà il december 2019 cun 44 cunter 43 vuschs. Cun passa 300 suttascripziuns è vegni inoltrà in referendum e perquai sto il project ussa anc ina giada en votaziun.

Cunter:

Ils adversaris han plirs arguments per dir NA a l’urna. La punt maina be sur l’En, però betg sur la via principala. Quai saja privlus ed ina soluziun be a mesas. Els crititgeschan era ils custs. Il project saja in project da luxus.

Pro:

Segund la vischnanca saja questa varianta la meglra varianta. Il traversar la via na saja nagin privel per peduns en la zona da 50 cun ina strivla melna. La varianta cun la punt er sur la via principala avess custà radund il dubel e na stess betg en relaziun cun la plivalur.

Nova fermativa da bus

A Cho d’Punt, gist sper il nov center da cumpra, duai vegnir realisada ina fermativa da bus. Decider decidan ils da Samedan per in credit da 470 milli francs. Er qua crititgeschan ils adversaris ils custs. Ch’i na dovri betg ina fermativa da bus da luxus.

Ils 19 da fanadur decida il suveran per ni cunter ils credits per quests projects.

RTR sil punct 17:45

Artitgels legids il pli savens

Scrollar a sanestra Scrollar a dretga