Al Piz Palü è dumengia da mezdi mort in skiunz da turas en ina lavina. Quai scriva la Polizia chantunala. Ina gruppa da quatter persunas da l'Italia saja ascendida il piz sur la ruta normala da la Diavolezza. Dus dad els hajan decis da turnar sur la paraid nord. Cura che l'emprim alpinist saja entrà en la paraid, saja ina lavina sa distatgada. Quella haja tratg l'um da 38 onns plirs tschients meters en la profunditad. Las forzas da salvament hajan be pli chattà la bara da l’um.