La radunanza communala da Puntraschigna ha approvà gievgia saira il budget senza cuntravuschs. Il budget quinta cun ina perdita da bundant 980’000 francs, quai tar expensas da 29,4 milliuns francs ed entradas da 27,1 milliuns francs.
Plinavant han tut ils 57 preschents a la radunanza decis d'abolir il reglament davart il fond per il sport d’enviern e da metter en vigur il reglament davart il fond per il sport a partir dal l'emprim da schaner. Il saldo d'in milliun francs vegnia transferì da fond dal sport d'enviern al fond da sport. La finamira saja dad er promover il sport da stad cun quai ch'il turissem da stad saja vegnì pli impurtant en ils ultims onns, scriva la vischnanca da Puntraschigna.