A Puntraschigna hai dà venderdi bunura in incendi da vehichels. Sco che la Polizia chantunala scriva, saja l'auto brischà ora totalmain.
Cura ch’il manischunz da 34 onns charrava sin la Via dal Bernina en direcziun Puntraschigna ha el vesì fim che sortiva dal motor da ses auto da persunas. Immediat ha el tschentà giu il vehichel ed ha avisà suenter las 05.30 la centrala d’acziuns da la Polizia chantunala grischuna. Quella ha mobilisà ils pumpiers da Samedan-Puntraschigna ed ina patruglia da la polizia. Il vehichel è brischà ora totalmain.