Il stil dal nov Hotel Maistra 160 è autalpin e porta la scrittira da l’architect renumnà Gion A. Caminada. Il nov bajetg ch’è vegnì construì entaifer bun trais onns, sa chatta sin l’areal da l’anteriur Hotel Posta a Puntraschigna.
Hotel da «4 stailas superior»
Possessurs, iniziants ed era patruns da construcziun dal nov hotel a Puntraschigna èn Bettina e Richard Plattner. En tut han els investì radund 35 milliuns francs en il project.
Il nov hotel a Puntraschigna porscha 36 chombras ed 11 «lodges», scumpartì sin set auzadas. Sper ina partiziun da wellness, datti era vinavant in club d’inscunter per giuvenils. Quai al medem lieu sco avant en l’Hotel Posta.
-
Bild 1 von 22Legenda: Suenter bun trais onns è il nov hotel Maistra 160 pront per sia emprima stagiun. Ralph Feiner -
Bild 2 von 22Legenda: Il pèr directur da l'Hotel Maistra Martin ed Irene Müller cun ils investiders Bettina e Richard Plattner. Andrea Furger
-
Bild 3 von 22Legenda: Structuras simplas èn marcantas per il nov hotel a Puntraschigna. Montamont
-
Bild 4 von 22Legenda: Impressiun dal nov Hotel. Montamont
-
Bild 5 von 22Legenda: Per claritad en la partiziun da Spa pissera er ina fanestra speziala. Ralph Feiner
-
Bild 6 von 22Legenda: Il bogn a vapur tutga tar la partiziun da wellness. Ralph Feiner
-
Bild 7 von 22Legenda: RTR
-
Bild 8 von 22Legenda: RTR
-
Bild 9 von 22Legenda: RTR
-
Bild 10 von 22Legenda: RTR
-
Bild 11 von 22Legenda: RTR
-
Bild 12 von 22Legenda: RTR
-
Bild 13 von 22Legenda: RTR
-
Bild 14 von 22Legenda: RTR
-
Bild 15 von 22Legenda: RTR
-
Bild 16 von 22Legenda: RTR
-
Bild 17 von 22Legenda: RTR
-
Bild 18 von 22Legenda: RTR
-
Bild 19 von 22Legenda: RTR
-
Bild 20 von 22Legenda: RTR
-
Bild 21 von 22Legenda: RTR
-
Bild 22 von 22Legenda: RTR
Chasa da persunal
Al medem mument sco la construcziun da l’Hotel Maistra 160, vegn realisà er in’atgna chasa per il persunal per radund 10 milliuns francs. La Chesa Curtinella consista da 19 unitads cun studios ed abitaziuns. Uschia vul il pèr Bettina e Richard Plattner era porscher las idealas circumstanzas per recrutar bun persunal.
La chasa da persunal na vegn mai a render. Dentant è quai er ina gronda rendita sch’ins riva da tegnair preziusas collavuraturas e collavuraturs cun porscher ina buna pussaivladad per abitar.
La colliaziun da tradiziun cun design ed innovaziun vulan ils investiders era suttastritgar tras ina collavuraziun cun la Tessanda en Val Müstair.