A Puntraschigna han ins chattà l'entschatta dal mais il corp d'ina persuna sparida. La dunna valeva sco sparida dapi il zercladur 2019. Sco quai che la polizia communitgescha, era la dunna da 75 onns s'allontanada il zercladur da l'onn passà da ses domicil da vacanzas e lura sparida. Er ina gronda acziun da tschertga n'ha betg gì success.
Il 2 da matg ha la polizia survegnì l'annunzia ch'ins haja chattà las restanzas terrestras d'ina dunna en il territori mal accessibel Munt da la Bes-cha. Il scleriment haja mussà, ch'i sa tractia da la dunna sparida. La Polizia chantunala investighescha uss, co ch'igl è vegnì tar la mort da la dunna.
audio
Per tadlar: las novitads da las 10:00
ord Novitads dals 13.05.2020.
Maletg: RTR
laschar ir. Durada: 2 minutas 17 Secundas.