Siglir tar il cuntegn

Header

video
Il favugn fa fastidis al VISMA Ski Classic
Or da Telesguard dals 25.11.2016.
laschar ir. Durada: 2 minutas 44 Secundas.
cuntegn

Engiadina Puntraschigna cumbatta per mintga flatg naiv

Temperaturas autas e plievgia. Las planiras en Engiadin'Ota èn brinas e Puntraschigna organisescha questa dumengia il prolog d'ina cursa da passlung. Grazia a la naiv fatga las emnas fraidas duai dentant esser pussaivel da far la cursa sin in traject minimal.

audio
Mezdi: Puntraschigna - prolog ski classic insumma pussaivel?
ord Actualitad dals 24.11.2016.
laschar ir. Durada: 2 minutas 45 Secundas.

Tenor il manader da Puntraschigna turissem, Jan Steiner, n'hajan ins betg stuì far naiv explicit per la cursa. La loipa avess stuì esser pronta questa fin d'emna er or da motivs turistics. La situaziun actuala saja dentant ina gronda sfida. La loipa stoppia esser uschè perfetga sco pussaivel sin 2.5 fin 3.5 kilometers.

Avant in pèr emnas fissi stà pussaivel da far in traject en la Val Roseg en enavos, uss ston ils 120 curridurs esser cuntents cun ils 3.5 kilometers ch'ins vegnia ad empruvar a far.

Sche l'aura na fa betg anc ina giada in stritg tras il quint, vul dir sche las temperaturas van a bass ed i na dat nagina plievgia pli, po la cursa vegnir fatga.

Artitgels legids il pli savens