Puntraschigna di gea a credit per ARA S-chanf

La vischnanca da Puntraschigna decida da sustegnair l'ARA S-chanf e plinavant da lubir l'access a las radunanzas a schurnalists.

Purtret da l'hotel Saratz a Puntraschigna. Bild in Lightbox öffnen.

Legenda da maletgs: Gievgia saira ha gì lieu la radunanza communala da Puntraschigna. RTR/Reto Mayer

La serenera regiunala da l’Engiadin’Ota a S-chanf vegn sustegnida da la vischnanca da Puntraschigna. Uschia ha la radunanza communala da Puntraschigna ditg gea a la construcziun da la serenera nova ed approvà senza cuntravusch in credit da 11,92 milliuns francs, scriva la vischnanca. L’entir project da la serenera custa passa 76 milliuns francs.

Enfin uss era la vischnanca da Puntraschigna colliada cun l'ARA Staz da Celerina. La serenera regiunala a S-chanf duai servir en tut a nov vischnancas tranter San Murezzan e S-chanf.

Plinavant ha la radunanza decidì da lubir a schurnalists l'access a radunanzas communalas. Per quels datti dentant cundiziuns. Questas han la finamira ch'i vegnia rapportà a moda professiunala e che la discussiun tranter la populaziun stettia nuninfluenzada.

RR novitads 06:00