Puntraschigna di na a chasa da tgira a San Murezzan

Il na al credit da planisaziun è cler: 84 vuschs na encunter 45 vuschs gea.

Puntraschigna Bild in Lightbox öffnen.

Legenda da maletgs: Puntraschigna di na al credit da planisaziun per ina chasa da tgira a San Murezzan. J. Langhans, Puntraschigna

Puntraschigna di cler e net na al credit da planisaziun da 450'000 francs per la tgasa da tgira sin l'areal Du Lac a San Murezzan. La radunanza communala è stada bainvisitada cun 131 votantas e votants. La vischnanca communitgescha che votantas e votants hajan surtut crititgà la mancanza dad ina strategia per la tgira da persunas attempadas per l'entira Engiadin'Ota . Sper il project per ina chasa da tgira a San Murezzan datti anc il project da renovar la chasa da tgira existenta Promulins a Samedan. Quai suenter che la populaziun da l'Engiadin'Ota aveva ditg na l'onn 2014 al project Farkas per ina nova chasa da tgira per tut l'Engiadin'Ota sper l'ospidal a Samedan.

Avegnir dal project Du Lac a San Murezzan n'è betg cler

Suenter il na da Puntraschigna a sia part da 450'000 francs al credit da planisaziun da total 2.3 milliuns francs n'èsi betg cler tge ch'i capita cun il project per ina chasa da tgira a San Murezzan. Segl aveva gia ditg gea al credit da planisaziun. Las votaziuns a San Murezzan ed a Silvaplauna n'èn betg anc succedidas en chaussa.

Gea a quint 2015

La radunanza communala da Puntraschigna ha en pli ditg gea al quint annual 2015 che serra equilibrà empè da cun in deficit budgetà dad 1.9 milliuns francs.

Chasa da tgira Engiadin'Ota gia daplì onns in tema

RR novitads 06:00