Engiadina - Puntraschigna: Dus blessads tar accident cun auto
In giuven um da 19 onns ha giu ier in accident sin la via sur il pass dal Bernina. Sco la polizia chantunala scriva era l’um da viadi da Puntraschigna en direcziun dal ospizi cura ch’el haja pers la controlla sur da ses auto.
Legenda:
L'auto è cupitgà el lura sa tschentà sin ils binaris da la Viafier Retica.
MAD, Polizia chantunala
2 / 2
Legenda:
En ina storta ha il manischunz pers la controlla da ses auto.
MAD, Polizia chantunala
L’auto è cupitgà ed è alura stà airi sin il traject da la viafier retica. L’automobilist sco era ses passagier èn vegnids blessads lev ed han stuì vegnir transportads cun l’ambulanza en l’ospital a Samedan. La lingia da viafier sur il Bernina è stada serrada per ina ura e mesa. Durant quai temp ha la Viafier retica transportà ils passagiers cun bus.
