Siglir tar il cuntegn

Header

Navigaziun

Puntraschigna da surengiu.
Legenda: Puntraschigna ha fatg via libra per trais projects. Keystone
cuntegn

Engiadina Puntraschigna: Hotel Posta vegn stgarpà giu

Gist trais revisiuns da la planisaziun locala ha la radunanza communala da Puntraschigna approvà la mesemna saira. Cun quai pon uss trais projects vegnir realisads:

  • L'hotel Posta amez il vitg po uschia vegnir stgarpà giu. Il bajetg ch'è vegnì construì la fin dals onns 1890 ed engrondì ils 1930 e 1950 duai vegnir remplazzà dad in hotel nov cun var 90 letgs en 30 stanzas e 7 abitaziuns gestiunadas. Latiers èn planisads in restaurant ed ina gallaria.
  • En pli ha la radunanza approvà ina midada da zona en il quartier Seglias. Uschia po vegnir realisada in colliaziun sutterrana tranter dus indrizs da parcar.
  • E sco terza è vegnida approvada ina midada da la planisaziun locala areguard l'explotaziun da glera a Montebello. Per la Ova da Bernina resulta uschia in gudogn ecologic ed er la protecziun da la cuntrada vegn meglierada.

Tut las trais revisiuns da la planisaziun locala ston dentant anc vegnir approvadas da la regenza grischuna.

RR novitads 07:00