Siglir tar il cuntegn

Header

video
Il Saratz a Puntraschigna stritga stailas e bustabs en la stagiun morta
Or da Telesguard dals 08.11.2019.
laschar ir. Durada: 4 minutas.
cuntegn

Puntraschigna Hotel S(aratz) – in hotel – dus concepts

Durant la stagiun auta in hotel da quatter stailas e durant la stagiun morta naginas. Enstagl da hotel Saratz – mo hotel “S”.

Serrar u diminuir è tuttina

Martin Scherer e sia dunna han fatg il quint e decis da laschar avert l’hotel da quatter stailas era durant la stagiun morta. La gronda differenza è però la purschida, nagina mezza pensiun, in ensolver pli discret, reducir il persunal, giavischs supplementars custan.

Quest concept funcziuna bain tenor Martin Scherer, impurtant saja la communicaziun. Giasts da l'Hotel Saratz spetgan in’autra classa e confort che quels da l'hotel “S”, perquai hai dà in'infurmaziun dal midament. Ed era la communicaziun è cumplettamain diversa, perquai datti duas paginas d’internet.

Enstagl da chamischa in t-shirt

Cun quest concept datti la pussaivladad da dar lavur al persunal era durant la stagiun morta. Empè dad ina chamischa e chautscha eleganta datti per els durant il temp d’avertura da l'hotel S, in t-shirt, jeans e chalzers dad ON.

audio
Saira: En la stagiun morta mida bler en l’hotel Saratz a Puntraschigna
ord Actualitad dals 08.11.2019.
laschar ir. Durada: 3 minutas 7 Secundas.

RR actualitad 17:00

Artitgels legids il pli savens