Cun la midada sin products da recicladi vul la vischnanca da Puntraschigna sensibilisar il public e dar cuntrapaisa a la problematica al rument da plastic.
Er sch'ins na po betg evitar dal tut il rument suenter occurrenzas publicas, duessan ils purschiders abolir vaschella da plastic e midar sin vaschella da recicladi. Oravant tut dattan en egl ils bitgers da plastic che vegnan bittads sin via empè en las sadellas da rument.
Midada davent dal 2020
Questa stad vuls ins ramassar primas experientschas ad occurrenzas sco il martgà da Laret che ha lieu mintga segunda gievgia en il center da Puntraschigna. Cun questas experientschas vul ins elavurar in concept per deliberar las occurrenzas publicas a Puntraschigna da vaschella da plastic.
A partir da l’onn che vegn duai questa regla lura vegnir introducida.
RR actualitad 12:00