L’ovra da glera e betun Montebello SA a Puntraschigna è creschida. In nov implant, che ha custà bundant 500’000 francs, cun l’intenziun dad accumular CO2 en il betun è ì en funcziun il cumenzament d’avrigl.
Accumulaziun en sablun da recicladi
Quest implant funcziuna il meglier cun sablun reciclà, che vegn ramassà en in silo en la fabrica da betun, e là maschadà cun il CO2. Suenter otg uras è il sablun sazià cun il gas. Quai è ina reacziun chemica, che lascha deponer il CO2 sin il sablun en furma da chaltschina. Uss po vegnir duvrà il sablun en l’implant da betun.
Ina investiziun en l’avegnir
Per Flurin Wieser ina investiziun en l’avegnir. El di che l'industria da betun saja in champ da fatschenta che dovria bleras emissiuns da CO2 ed uschia veglia sia firma far insatge encunter. Dentant n’è el betg segirs sche il betun da sablun reciclà vegn insumma cumprà da ses clients.
La protecziun d’ambient n’è betg gratuita
