Siglir tar il cuntegn

Header

cuntegn

Puntraschigna La vischnanca vul introducir ina taxa sin segundas abitaziuns

Dorfzentrum Pontresina im Oberengadin
Legenda: Chasas en il center da Puntraschigna RTR

Abitaziuns finanzialmain supportablas per indigens datti adina pli paucas a  Puntraschigna. Tenor la presidenta communala Nora Saratz-Cazin ha ussa la vischnanca fundà ina «Fundaziun da Puntraschigna». Quella duai rimnar raps per pudair reagir pli agil e flexibel sin in martgà d’abitaziuns - concret vul quai dir che la fundaziun cumpra, venda e dat a fit abitaziuns. La finamira saja uschia da stgaffir spazi d’abitar per indigens en la vischnanca. Per finanziar quella fundaziun prevesan ins ina taxa directiva sin segundas abitaziuns e plinavant era la finanziaziun entras impostas. Impurtant per la vischnanca è che la populaziun ensemen cun ils possessurs da segundas abitaziuns hajan d'emprim ennà la pussaivladad da prender posiziun. L'emprima infurmaziuns ha lieu ils 8 da december.

audio
Vischnanca da Puntraschigna vul taxas directivas per la fundaziun
ord Actualitad dals 29.11.2023. Maletg: RTR
laschar ir. Durada: 3 minutas 6 Secundas.

Era Andry Niggli, possessur d'in biro d’immobiglias a Puntraschigna e secretari da l’associaziun dals proprietaris da chasas en Engiadin’Ota è cleramain da l’avis che la situaziun è urgenta.

La vischnanca na duess betg intervegnir en il martgà d’immobiglias
Autur: Andry Niggli Possessur dal biro d'immobiglias Niggli e Zala
audio
Andry Niggli da l'associaziun dals proprietaris da chasas davart la porposta
ord Actualitad dals 29.11.2023. Maletg: Keystone
laschar ir. Durada: 2 minutas 11 Secundas.

Tenor el stuess la vischnanca esser pli consequenta cun executar las leschas actualas. Tenor lescha chantunala pudess ins expropriar possessurs da terren da fabrica suenter 15 onns sch’els na fabritgan betg. Quest terren pudess ins duvrar per stgaffir abitaziuns per indigens. Plinavant pudess ins era dumandar il chantun d'engrondir la zona da fabrica sch'il basegn è propi avant maun.

RTR actualitad 12:00

Artitgels legids il pli savens