Siglir tar il cuntegn

Header

audio
Intervista cun Martin Aebli, president communal da Puntraschigna
Or da Actualitad dals 22.07.2020.
laschar ir. Durada: 02:56 minutas.
cuntegn

Puntraschigna Martin Aebli chala sco president da vischnanca

Suenter 16 onns en uffizi a la testa da Puntraschigna saja ura per in midament. Martin Aebli na va betg pli en cursa per ils onns 2021-2024. Quai ha el annunzià a l’ultima sesida da la suprastanza communala.

Nova sfida en «veglia» branscha

Martin Aebli mida en l'economia privata en il sectur da construcziun. Dapi il 2005 è l’um da 58 onns president communal da Puntraschigna. El politisescha er per la Partida burgais democratica en il Cussegl Grond. Ils ultims dus onns ha Martin Aebli er presidià la Regiun Malögia.

Puncts culminants

Sper numerus projects ch’el ha pudì realisar ils ultims 16 onns a Puntraschigna, quinta Martin Aebli surtut ses onn sco president dal Cussegl Grond 2017/18 tar in dals muments spezials da sia carriera politica. La radunanza communala da Puntraschigna tscherna ils 27 november 2020 il / la successur(a) per Martin Aebli.

3 novs chapitanis

Cun la demissiun dad Aebli, vegni a dar gist in midament en trais vischnancas en Engiadin'Ota. Dasper Puntraschigna, han er Samedan e Segl d'eleger in nov president communal u ina presidenta communala.

RTR novitads 11:00

Artitgels legids il pli savens

Scrollar a sanestra Scrollar a dretga