Siglir tar il cuntegn

Header

cuntegn

Puntraschigna Per il hotel Flaz dovri anc adina pazienza

A chaschun da la 41avla ediziun da la maisa radunda a Puntraschigna han quatter hoteliers preschentà lur projects. Trais èn vid bajegiar. Per il quart project, il hotel Flaz dovri pazienza pervia d'ina decisiun dal Tribunal federal.

Il 2018 han gist quatter vischins inoltrà in recurs cunter il project dal hotel Flaz, la dretgira administrativa ha però refusà quel. Ussa è quest recurs davant il Tribunal federal. Tenor il hotelier Kurt Baumgartner, che posseda ulteriurs trais hotels en Engiadina Bassa, spetgian ins ina decisiun ils proxims 12 mais. A chaschun da la maisa radunda a Puntraschigna ha el preschentà ses project ed infurmà ch'el restia vinavant cun grond engaschament vid la realisaziun dal hotel Flaz a Puntraschigna malgrà quels obstachels.

audio
Restar vidlonder saja il recept per realisar l'hotel Flaz
aus Actualitad vom 26.10.2021.
abspielen. Laufzeit 2 minutas 13 Sekunden.

L'idea dal hotel Flaz saja la suandanta: In hotel simpel per famiglias, nua ch'il bab da 55 onns vegn cun sia figlia da 18 onns en vacanzas e chatta in'infrastructura ideala per far vacanzas nuncumplitgadas. E tut tenor vegnia la figlia pli tard puspè enavos e stat lura en in hotel da quatter u tschintg stailas.

RTR actualitad 12:00

Artitgels legids il pli savens

Scrollar a sanestra Scrollar a dretga