Entaifer quatter minutas ha la polizia mesirà set autos da sport cun tempo exagerà. A sis manischunz è immediat vegnì retratg il permiss – ad in manischunz è il permiss vegnì revocà. Ina persuna dal chantun Turitg, ch'era da viadi cun in Porsche, ha cuntanschì ina spertadad da 150 kilometers l’ura. Tut tschels manischunz han gì si in tempo tranter 116 e 125 km/h. Tut ils manischunz èn vegnids denunziads a la procura publica dal chantun.
Sin la Via principala Bernina fiss lubì al punct da mesira ina sveltezza maximala dad 80 km/h.