Puntraschigna lubescha puspè radund 60 plazs provisorics per campers tar la staziun a val Diavolezza. Tut tenor basegn duai il spazi star a disposiziun dal zercladur fin la fin da settember per mintgamai maximal trais notgs. Ils plazs duain esser averts sch'il campadi Morteratsch è plain, uschia communitgescha la vischnanca Puntraschigna.
En sia lubientscha punctuescha la suprastanza da Puntraschigna ch'i na saja betg l'intenziun da stgaffir ulteriur spazi per campar. La finamira da questa purschida saja d'ina vart da resguardar il boom da camping e da l'autra vart d'impedir il camping nuncontrollà.
Ord l'archiv
Campar è dapi intgins onns en il trend.
video
sil punct dals 02.08.2021
Or da sil punct dals 02.08.2021.
laschar ir. Durada: 5 minutas 38 Secundas.