Siglir tar il cuntegn

Header

cuntegn

Engiadina Puntraschigna refusa il permiss per il parcours dal Swiss Alpine

Memia blera glieud sin las sendas durant la stagiun auta e l'occurenza «Engadin Ultraks» èn ils motivs che la vischnanca refusa la lubientscha.

Dapi onns passa il traject dal Swiss Alpine Irontrail dal Lai da Staz enfin sin la chamona Segantini e lura en la Val Muragl vinavant fin Muottas Muragl. Quest onn n'han ils organisaturs però betg survegnì la lubientscha dal vitg da Puntraschigna.

audio
Mezdi: Puntraschigna refusa il permiss – Discurs cun Martin Aebli
ord Actualitad dals 14.03.2018.
laschar ir. Durada: 2 minutas 44 Secundas.

Las cursas dal Swiss Alpine han lieu gist durant la stagiun auta; fitg blers giasts èn per via a pe en quellas regiuns. Plinavant han lieu in'emna avant ils Engadin Ultraks, er ina cursa da currer organisada da Puntraschigna sez.

Per motivs da segirezza e per tema che las sendas fissan surchargiadas, refusa la vischnanca da Puntraschigna la lubientscha al Swiss Alpine Irontrail. Ella ha però proponi in'alternativa. L'organisaziun dal Swiss Alpine Irontrail n'ha betg vulì prender posiziun il mument.

audio
Puntraschigna refusa il permiss per il parcours dal Swiss Alpine
ord Actualitad dals 12.03.2018.
laschar ir. Durada: 36 Secundas.

RR actualitad 17:00

Artitgels legids il pli savens

Scrollar a sanestra Scrollar a dretga