La suprastanza communala da Puntraschigna ha decidì unanimamain l'amunt da 46'000 francs per la planisaziun d'ina nova chasa da tgira Promulins a Samedan. Ils custs totals da planisaziun per las vischnancas participadas s'amuntan a 205'000 francs.
Consequenza dal na ad in project 'Du Lac' a San Murezzan
La suprastanza communala reagescha uschia sin il na da la radunanza communala dals 30 da matg ad ina chasa da tgira a San Murezzan ensemen cun las vischnancas da San Murezzan, Segl e Silvaplauna. La suprastanza communala da Puntraschigna haja dumandà las vischnancas che planiseschan la chasa da tgira Promulins a Samedan d'integrar era Puntraschigna en la planisaziun. Ins haja era fatg attent sin il fatg ch'il dumber da letgs per Promulins stoppia vegnir adattà. Fin ussa eran planisads 48 letgs da tgira, cun Puntraschigna vegn ins a duvrar anc radund 13 letgs dapli.
RR novitads 10:00