Sco che la suprastanza communala da Puntraschigna communitgescha, ha ella approvà l’introducziun dal project «La Maisa Plus». Ina gruppa da lavur aveva eruì a maun da retschertgas tar ils geniturs in basegn d’ina surveglianza professiunala per scolars er ord il temp d’urari da scola.
Da bun’ura a la saira
Uffants e giuvenils da la scolina fin il stgalim aut duain avair la pussaivladad da vegnir survegliads da las 07:30 fin a las 18:00 e quai durant dis libers da scola. Quai vala er per fins d’emna sco er durant las vacanzas. Sco che Puntraschigna scriva vinavant pon ils uffants frequentar ils singuls moduls che consistan da: avantmezdis, mezdis (cun gentar) e suentermezdis.
Pretsch dependent da salari
Ils custs per la purschida schlargiada vegnian purtadas da la vischnanca da Puntraschigna ed il geniturs. Las tariffas per ils geniturs sa basan a lur entradas. Per la vischnanca resultian custs tranter 18’400 e 33’000 francs. Tut tenor basegn vegnian engaschadas 1-2 persunas.
Er in’opziun per auters lieus
Gia durant quest atun pon ils geniturs annunziar lur uffants per la purschida «La Maisa Plus» per il proxim onn da scola. En cas ch’i dess anc plazzas libras vala la spierta er per uffants da las vischnancas vischinas.
RR novitads 12:00