Puntraschigna survegn ina rundella

Tar la sortida da la via chantunala en direcziun da Puntraschigna datti regularmain accidents. Il chantun ha perquai proponì da realisar ina rundella.

Survista da la nova rundella per Puntraschigna Bild in Lightbox öffnen.

Legenda da maletgs: Nova rundella per Puntraschigna Google Earth

La statistica d’accidents dals onns passads mussa che quella sortida e privlusa. L’uffizi da construcziun bassa dal chantun Grischun propona a la vischnanca da Puntraschigna da realisar perquai ina rundella.

La suprastanza communala da Puntraschigna va d'accord cun questa proposta. En connex cun autras lavurs d’urgenza vid l’infrastructura en la zona «Gitöglia» preves'ins perquai da realisar quella rundella.

50% dals custs da la rundella surpiglia il chantun ed ils auters 50% surpiglia la vischnanca. Las lavurs da fabrica duain vegnir realisadas l’onn 2019.

RR novitads 12:00