La radunanza communala da Puntraschigna ha approvà ina contribuziun da passa 300'000 francs per la chasa da tgira «Promulins» a Samedan. Il project da Promulins duai vegnir purtà dad 8 vischnancas, da Schlarigna fin S-chanf.
La construcziun duai cumenzar l'onn 2019 e l'onn 2022 duai la chasa esser en funcziun.
Plinavant ha la radunanza communala approvà il quint 2016. Quel serra equilibrà cun expensas da 27,48 milliuns. Budgetà era in defizit da 2,17 milliuns francs.Motiv principal per la differenza envers il preventiv èn dapli entradas da taglia, concessiuns, taxas da cura e contribuziuns dal chantun.
