Il töffist è stà da viadi da Lagalb direcziun Puntraschigna. En ina storta è el lura cupitgà ed è stà per terra cun blessuras grevas. Il töff è glischnà enavant ed è stà airi radund 20 meters sut la via. In automobilist ch'è vegnì natiers ha lura alarmà la Polizia chantunala. Ensemen cun in team d'ambulanza da l'Engiadin'Ota ha la crew da la Rega pudì reanimar l'um. En l'ospital chantunal a Cuirà nua ch'el è vegnì transportà cun helicopter n'ha el dentant betg survivì la notg.
Lavurs al lieu da l'accident
La polizia ha transportà davent il töff. Durant las lavurs da salvament è la via stada serrada per radund in'ura. Fin che la plazza ha pudì vegnir dada liber ha la polizia manà il traffic per anc ina giada radund in'ura e mesa sin in vial. Ensemen cun la procura publica examinescha la Polizia chantunala quai ch'è capità.
RR novitads 12:00