La vischnanca da Puntraschigna vul examinar a moda sistematica sche las abitaziuns che valan sco abitaziuns primaras vegnan era duvradas sco talas e betg sco abitaziuns secundaras. Quai ha decis la suprastanza en vista a la mancanza d'abitaziuns per indigens.
In diever correct per ina abitaziun primara perscriva ch'almain ina da las persunas che viva en quella po cumprovar che ses center da la vita è tar l'adressa a Puntraschigna. Possessuras e possessurs d'abitaziuns nua ch'il diever n'è betg cler vegnan adressadas las proximas emnas da la vischnanca.
