Siglir tar il cuntegn

Header

cuntegn

Engiadina Puntraschigna vul emprestar 5 milliuns a Samedan

I fiss in gudogn per omaduas vischnancas, di Martin Äbli, il president communal da Puntraschigna. Sch'els dessan ils raps ad ina banca, na survegnissan els quasi nagin fit. Perquai vulan els dar ils raps a Samedan ed uschè en il medem mument gidar a quests.

audio
Saira: Puntraschigna vul emprestar 5 milliuns francs a Samedan
ord Actualitad dals 02.11.2015.
laschar ir. Durada: 3 minutas 52 Secundas.

Samedan ha numnadamain debits da radund 47 milliuns francs. Onn per onn paja la vischnanca enavos radund 1 milliun da quests debits.

Dals raps da Puntraschigna na saja la vischnanca betg dependenta, di Gian Sutter, il vicepresident da Samedan.

Sche las cundiziuns fissan dentant pli favuraivlas che tar ina banca, lura pudess la proposta da Puntraschigna esser in gudogn era per Samedan.

Betg anc segir che l’affar vegn fatg

Anc han lieu tractativas che van en ils detagls. La dumonda principala che sto vegnir sclerida è, per tge cundiziuns che Puntraschigna dat l’emprest da 5 milliuns francs.

Il davos pled en il chapitel avess la populaziun da Puntraschigna, che stuess dir gea a l’emprest.

Artitgels legids il pli savens