Siglir tar il cuntegn
Inhalt

Engiadina Puntraschigna vul reglas per schurnalists a radunanzas communalas

La vischnanca vul elavurar in concept che duai reglar la preschientscha da schurnalists a las radunanzas.

Microfon che vegn da surengiu en ina stanza.
Legenda: Puntraschigna vul reglar la preschientscha da las medias a las radunanzas communalas. Keystone

Il tema era vegnì actual suenter che Puntraschigna aveva scumandà ad ina schurnalista da sa participar a la radunanza. Sinaquai aveva la chasa da medias pertutgada dumandà la vischnanca da sclerir la chaussa.

Sco la suprastanza da Puntraschigna scriva è ella per transparenza en tuts affars da la vischnanca. In concept duai dentant definir cleras reglas, p. ex. in scumond da filmar u registrar tun durant la radunanza. Decider davart las novas reglas per las medias duai la radunanza communala.

RR novitads 11:30