Siglir tar il cuntegn

Header

cuntegn

Engiadina PurAlps – pur e genuin, ma na dal tut svizzer

En las butias da PurAlps chatt'ins products da purs, viticulturs u mazlarias da la Val Müstair, da l'Engiadina ma era dal Tirol dal Sid. In concept che funcziuna tenor ils iniziants.

Il start è stà fulminant. Ils iniziants Patrick Wegmann e Felix Zanandrea han gì il november 2015 l’idea e be bunamain in onn pli tard han els avert duas butias, ina a Müstair e la segunda a San Murezzan.

PurAlps

Gia il num tradescha l’idea. Ils products ston esser 'purs' e genuins ed els ston derivar da las 'alps'. Radund 300 producents regiunals da la Val Müstair, da l'Engiadina, dal Puschlav, da la Bregaglia ma er dal Tirol dal Sid mainan lur products en las butias da Pur Alps.

audio
PurAlps – pur e genuin, ma na dal tut Svizzer
ord Novitads dals 09.12.2016.
laschar ir. Durada: 2 minutas 18 Secundas.

Tar la fundaziun da PurAlps era avant maun ina tscherta sceptica tar ils producents svizzers. Ils products esters èn en sasez ina concurrenza per els. Oz, bunamain in onn pli tard, èn ils blers persvas da pudair profitar in da l'auter, independentamain sch'il product è svizzer u talian.

Ils iniziants èn persvas, che lur concept ha success pel avegnir. Els prevesan d’expander era en ulteriurs lieus en Svizra.

RR actualitad 17:00

Artitgels legids il pli savens