Siglir tar il cuntegn

Header

audio
Fari Fara Farella: Cudeschet da chanzuns rumantschas per uffants
Or da Actualitad dals 16.12.2023. Maletg: RTR
laschar ir. Durada: 3 minutas 26 Secundas.
cuntegn

Purschida nova da chanzuns «FARI, FARÀ FARELLA» è l’ovra cun novas chanzuns rumantschas

La baselgia a Sent era bain visitada, ils concerts dals scolars e da las scolaras fitg bels. Uschia han ils responsabels chattà in rom per preschentar al public lur project. Per Leta Mosca, la forza davos quest cudeschet, èsi stà bel da vesair co che sia idea è creschida cun mintga pass.

L'emprim era l’idea

Avant quatter onns ha l'entir project gì ses cumenzament cun Ruedi Lutz, in enconuschent pianist e cumponist da Son Gagl. Leta Mosca ha tschertgà agid per metter sin pe l’idea, ed ha chattà quella en la Scola da musica Engiadina Bassa/Val Müstair. Qua èn las duas magistras da musica Nina Mayer e Sidonia Caviezel stadas prontas da gidar cun cumponer e chantar cun differents chors d’uffants.  

Las chanzuns s'affan per scolinas ed era per emprender rumantsch.
Autur: Leta Mosca inizianta dal project
Bild des neuen romanischen Liederbüchlein mit drei singenden Murmeltieren
Legenda: Il nov cudeschet da chant. RTR

Ed uss è il cudesch naschì

33 chanzuns èn vegnidas ensemen. Tuttas scrittas ed equipadas cun in code da QR, ch’ins po fotografar e decider da tadlar cun las vuschs u be cun accumpagnament. Per Leta Mosca era d’emprender l'emprim, tge che QR vuleva dir. Ma uss chatta ella quest QR ina buna idea che gida a la glieud da chantar sias chanzuns.

Per retrair il cudesch «FARI FARÀ FARELLA» gratuitamain è da contactar la Scola da musica Engiadina Bassa/Val Müstair.

RTR actualitad 11:00

Artitgels legids il pli savens