Siglir tar il cuntegn
Inhalt

Engiadina Puspè ina operetta ad Ardez

La societad «Operetta giò’n Plazzetta» preschenta durant questa stad l'operetta «La gïa magica» ad Ardez.

Legende: Video Operetta gio'n Plazzetta abspielen. Laufzeit 01:44 Minuten.
Or da sil punct dals 02.08.2018.

L'onn 2015 hai dà per l'emprima giada ina operetta sin la Plazzetta amez il vitg dad Ardez. Sut la batgetta da l'iniziant Chasper-Curò Mani aveva la societad «Operetta giò’n Plazzetta» preschentà lura «Rita» da Gaetano Donizetti.

Questa stad spetga l'ovra «La gïa magica» da Jacques Offenbach. L'operetta è vegnida arranschada da nov cun musica da Wagner, Verdi, cun chanzuns enconuschentas da pop e cun chanzuns popularas.

Finamira dad inscenar mintga trais onns ina operetta

Suenter il grond success da l'emprima operetta ad Ardez è vegnida fundada ina societad cun la finamira dad inscenar mintga trais onns in'operetta en lieus particulars sco la Plazzetta ad Ardez. In'autra finamira è era da far quai cun mezs simpels e cun integrar la lingua rumantscha. Uschia è er questa giada la Chapella Tasna da la partida. Il quintet chanta e suna chanzuns popularas.

Legende: Video La gïa magica abspielen. Laufzeit 00:28 Minuten.
Or da RTR dals 02.08.2018.

RR actualitad 12:00