Siglir tar il cuntegn

Engiadina Puspè uras da religiun separadas en scola

Las plaivs catolicas tranter Schlarigna e S-chanf teman che l’instrucziun da religiun vegnia a la curta cun l’introducziun dal nov plan da scola 21. Quel prevesa numnadamain be anc in’ura da religiun l’emna. Fin uss frequentavan ils scolars quell’instrucziun en furma ecumenica.

Legende: Video «sil punct» – Lecziuns da religiun puspè separadas abspielen. Laufzeit 02:03 Minuten.
Or da RTR dals 05.07.2018.

Tenor Jann Rehm, president da l’uniun da pastoraziun catolica Bernina na tanschia in’ura d’instrucziun ecumenica betg pli per mussar las praticas catolicas als uffants da scola. Perquai ha l’uniun decis da separar puspè las classas primaras tranter catolics e refurmads en las vischnancas da Schlarigna fin e cun S-chanf.

Jann Rehm
Legenda: Il president da l'Uniun da pastoraziun Bernina, Jann Rehm. RTR, Dario Müller
Ecumena vul dir s’avischinar, dentant betg perder l’atgna identitad.
Autur: Jann Rehmpresident Uniun da pastoraziun Bernina

Pauc plaschair tar plaiv refurmada

Nagina chapientscha per l’agir da la plaiv catolica ha il president da la plaiv refurmada d’Engiadin’Ota, Gian Duri Ratti.

Cun separar puspè ils uffants per l’instrucziun, giaja a perder bler. Surtut la cuminanza è in dals puncts ch’ins haja promovì durant ils davos onns.

Gian Duri Ratti, il president da la raspada evangelica d'Engiadin'Ota.
Legenda: Gian Duri Ratti, il president da la raspada evangelica d'Engiadin'Ota. RTR, Dario Müller
Cun separar ils uffants va er a perder il spiert ecumenic, quel che vegn pregià er da la baselgia catolica.
Autur: Gian Duri Rattipresident raspada evangelica Engiadin'Ota

Il midament da l’ura da religiun puspè separada en l’instrucziun catolica e refurmada signifitga er per las scolas sez novas circumstanzas. Tenor il manader da scola da Schlarigna, Armon Taisch è il pass inizià da la raspada catolica in pass enavos.

Ins stoppia dentant acceptar questa decisiun, cunquai che l’instrucziun da religiun n’è betg en la responsabladad da la scola.

RR actualitad 17:00