Puspè vesì urs en la Val Müstair

Sco quai che Martin Stadler da l'Uffizi da chatscha e pestga da Bulsaun ha confermà sin dumonda da RTR, sa tractia tar l'urs ch'è vegnì observà almain 2 giadas en la Val Müstair da l'exemplar M32. L’urs M32 è in urs mastgel da passa 2 onns e vala sco urs calm senza cumportament che dat en egl.

L'urs M32, che sa tschenta entamez ina via da guaud tranter Schlander e Damal en il Vnuost. Bild in Lightbox öffnen.

Legenda da maletgs: Scuntrada cun il urs M32 sin ina via da guaud tranter Schlander e Damal en il Vnuost. Florian Peer

Era l’Uffizi da chatscha e pestga dal Grischun ha prendì enconuschientscha da las 2 observaziuns ils 27 da fanadur ed ils 17 d'avust en la Val Brüna sin il territori da Müstair. Tenor Georg Brosi, l’inspectur chantunal da chatscha e pestga, n’existia dentant betg in basegn d’agir. Quai pervi che l’urs è fin ussa per ina restà magari calm, e per l’autra pervi ch'el è vegnì observà sulettamain sin il cunfin tranter la Svizra e l’Italia.

Sper las 2 observaziuns en Svizra è l’urs M32 era anc vegnì vesì a Prad en il Vnuost. Là en vischinanza ha l’urs probablamain sblundregià ultimamain almain ina chamona d’avieuls che n’era betg protegida cun ina saiv.