Puzzins – Röven - Via chantunala vers Tschlin vegn curregida

En la vischnanca da Valsot po la via chantunala vers Tschlin vegnir curregida. Quai sin il traject Puzzins – Röven. La regenza grischuna ha dà glisch verda al project da radund 3,3 milliuns francs. La via da colliaziun, che fa part da la rait da vias chantunala, sa chatta en in sectur geologicamain difficil. Ils ultims onns èsi perquai adina puspè vegnì fatg reparaturas provisoricas. Cun il project actual duai il traject ussa vegnir schlargià sin 4,2 meters ed il trassé duai vegnir optimà sin ina lunghezza da radund 860 meters. Plinavant duai dar pussaivladads da cruschar per camiuns ed autocars. Las lavurs vegnan fatgas pli probabel durant duas fin trais stagiuns da construcziun.