Siglir tar il cuntegn

Engiadina Qualitad avant quantitad – il credo dals ospitals regiunals

Il cusseglier guvernativ Christian Rathgeb ha visità il «Center da Sandà Engiadina Bassa». Sisum la glista da tractandas: dastgan ils ospitals regiunals era en avegnir far operaziuns cumplexas?

Da sanestra; Victor Peer, Joachim Koppenberg, Christian Rathgeb, Nicola Kull, Rudolf Leuthold e Philipp Gunzinger
Legenda: Da sanestra; Victor Peer, Joachim Koppenberg, Christian Rathgeb, Nicola Kull, Rudolf Leuthold e Philipp Gunzinger RTR, Georg Luzzi

Per la terza giada ha il cusseglier guvernativ Christian Rathgeb visità il «Center da Sandà Engiadina Bassa», ensemen cun il schef da l'uffizi da sanadad, Rudolf Leuthold e la secretaria dal departament Nicola Kull. La finamira è d’avair invista en la gestiun e da pudair discurrer culs responsabels sur da l'avegnir da l'ospital.

Mo anc ospitals che han la rutina da far tschertas operaziuns cumplexas duessan en avegnir pratitgar quellas. Ils ospitals regiunals sa dostan encunter questa varianta.

Ins na dastga betg congualar quantitad cun qualitad.
Autur: Joachim KoppenbergDirectur Center da Sandà Engiadina Bassa

Per il cusseglier guvernativ fiss in'inoltraziun d’in tal sistem la mort per ils ospitals pitschens en Grischun. La qualitad dals ospitals pitschens sa laschan congualar era cun ils gronds. Mo perquai ch'ils ospitals gronds fan dapli operaziuns n'èn els betg megliers, congualond cun la prestaziun dals pitschens en las regiuns. Cusseglier guvernativ Christian Rathgeb è persvadì dal sistem da prestaziuns decentrals e vul perquai cumbatter quest‘intend ensemen cun ulteriurs chantuns en Svizra.

RR actualitad 07:00