Siglir tar il cuntegn

Header

Video
Racolta da fain en Engiadina Bassa
Or da sil punct dals 04.07.2019.
abspielen
cuntegn

Quantitad e qualitad I na dovra betg simplamain bler fain – i dependa da la qualitad

Magari poi dar ch'ins fa fanadas, ma il fain n'è betg da buna qualitad e perquai na nutrescha el betg uschè bain.

Fadri Stricker, il president da l'Uniun agricula Engiadina Bassa declera co ins senta, sch'il fain è da buna u da nauscha qualitad:

Video
«Far il poker tranter quantitad e qualitad»
Or da RTR dals 04.07.2019.
abspielen

Il mument da segar è decisiv ...

Per survegnir fain tant da buna quantitad sco er da qualitad èsi decisiv cura ch'ins sega el. Il meglier è quai il cas cura ch'il pastg e las flurs flureschan. Lura cuntegna il pastg numnadamain il pli bler nutriment ed i dat er da la quantitad nà avunda fain.

Sch'i vegn fanà memia baud, han ins pli pauca quantitad – sch'ins faina memia tard, lura han ins bler fain, dentant betg da buna qualitad. Il nutriment è numnadamain gia en ils sems ed ils monis han lura gia cumenzà a vegnir pli dirs, sco strom. Per ils animals va quai lura pli vess da magunar.

... e la fin finala dependa da l'aura

Da pudair fanar il dretg mument dependa dentant er fermamain da l'aura. Sch'i plova savens, lura manchentan ils purs tut tenor il punct ideal per fanar e la qualitad na constat betg pli. U ch'i fa sitgiras sco l'onn passà ed i na po betg crescher bain.

TR sil punct 17:50