Siglir tar il cuntegn

Engiadina Quartier Serletta a San Murezzan procura per discussiun

Ils 18 october sto il suveran da San Murezzan decider davart la revisiun parziala da la planisaziun locala da Serletta sid.

Legenda: Guardar il video «Quartier Serletta a San Murezzan procura per discussiun». Durada 2:25 minutas.
Or da Actualitad video dals 02.10.2015.

Questa votaziun è fitg dispitaivla. Il quartier Serletta e scumpartì en duas parts. Serletta nord e Serletta sid. En la part sid vul la clinica Gut da San Murezzan construir in hotel da sanadad. La part nord tutga als dus hotels da 5 stailas, Palace e Kulm. Quels fan opposiziun encunter il project Serletta sid, uschia er encunter la revisiun da la planisaziun.

Ils dus hotels da 5 stailas teman che lur terren perdess valur cun in hotel en la part sid e che la parcella dal nord pedess ina part da la vista sin il lai da San Murezzan. Plinavant pretendan ils dus hotels ina revisiun da tut il quartier da Serlettas e betg be da la part dal sid.