Siglir tar il cuntegn

Header

Ils dus autos al lieu da l'accident.
Legenda: Tar in accident sin la via principala a Segl èn quatter persunas vegnidas blessadas, ina d'ellas mez-grev. MAD, Polizia chantunala
cuntegn

Engiadina Quatter blessads tar accident a Segl

In automobilist che charrava la gievgia suentermezdi da Segl Baselgia en direcziun Plaun da Lej. Curt suenter las 14:00 è el arrivà cun ses auto sin il vial oppost ed è là collidà cun in auto che vegniva encunter. Duas persunas han stuì vegnir transportadas cun l'ambulanza en l'ospital da Samedan e duas ulteriuras persunas èn vegnidas tgiradas ambulant en la pratica da medi dal vitg.

Ils dus autos involvids en l'accident èn vegnids donnegiads totalmain. Pervi da l'accident è la via stada serrada per radund duas uras.

Ulteriurs accidents pervi da la naiv

La naiv da questa damaun ha procurà per situaziuns difficilas sin las vias grischunas e manà a plirs accidents. Fin las duas suentermezdi ha la polizia chantunala dumbrà 6 accidents. Mintgamai ina persuna lev blessada hai dà tar accidents a La Punt-Chamues-ch ed a Parpan.

RR novitads 20:00

Artitgels legids il pli savens