Engiadina - Quatter infracziuns en ina notg en la Val Müstair
En la Val Müstair han nunenconuschents rut en la notg passada gist en quatter lieus: quai en trais hotels ed en ina pasternaria. La preda è dentant pitschna, communitgesch la polizia chantunala.
Ils delinquents han rut en, en in hotel a Valchava ed en dus hotels ed ina pasternaria a Santa Maria. En trais dals cas èn ils laders entrads tras l’isch en in tras ina fanestra. En tut è vegni engulà daners d’ina summa da paucs millis francs. Uss tschertga la polizia perditgas. Ellas pon s’annunziar sin il post da polizia a Santa maria.
