Engiadina - Quint equilibrà per la vischnanca da Puntraschigna
Il quint annual da la vischnanca da Puntraschigna ha serrà a moda equilibrada cun in surpli d'entradas da 418 francs. Budgetà era però vegnì in deficit da 2,9 milliuns francs.
Sco la vischnanca scriva en ina communicaziun, èn la raschun per il resultat, ch’è bler meglier che budgetà, ils retgavs supplementars tar ils posts «finanzas» ed «impostas» da passa 2,6 milliuns francs. En total ha Puntraschigna gì expensas da 29,8 milliuns francs.
Sper l’approvaziun dal quint han ils da Puntraschigna era elegì Ladina Costa-Bezzola en il cussegl da scola. Ella succeda a Janine Stupan.
