Il da Samedan ston en l'avegnir pajar damain taglia. La radunanza communala da gievgia saira ha decis da sbassar il pe da taglia da 95 sin 85% da la taglia chantunala simpla. Cunquai è ella è suandada la proposta da la suprastanza. La taglia sin immobiglia è restada tar 1,5 promil.
Preventiv 2022
Las votantas ed ils votants han plinavant approvà il preventiv da l'auter onn. Quel quinta cun in surpli d’expensas da bunamain 1,9 milliuns francs. Il quint d'investiziun prevesa investitions brutto da 5,7 milliuns francs il 2022 ed ulteriurs 26 milliuns fin il 2026. Quellas investiziuns pon vegnir finanziadas per 100% d'agens meds.
Gea a dus credits
Ultra da quai han ils Samedrins ditg Gea a dus credits da total 2,9 milliuns francs. Per l'ina han els approvà per in credit da 1,9 milliuns francs per la sanaziun dal mir da sustegn Via Nouva. Quest mir ha stuì vegnir sanà dal tuttafatg ord motivs da segirtad sur 380 meters. Per l'autra han els approvà in credit dad 1 milliun francs per realisar in concept da rimnar il rument cun moloks.
