Votantas e votants da la vischnanca Valsot han approvà il preventiv 2021. Tar expensas da radund 10,3 milliuns francs, quinta la vischnanca cun in surpli d'entradas dad 1 milliun francs. Ils da Valsot han ultra da quai decidì da laschar il pe da taglia sin 95% da la taglia simpla chantunala.
Plinavant ha la radunanza communala tranter auter approvà divers contracts en dretg da construcziun per chamonas, ina garanzia da 150'000 francs per la cooperaziun Alp Tea Tschlin sco er las revisiuns parzialas da la lescha da pumpiers e da la lescha da taglia communala.