Dapi passa 10 onns collavuran ins ussa ensemen. Ma tuttina vegn il tema adina puspè discutà. Per il president dal cussegl administrativ Ludwig Jenal da la TESSVM SA, èsi cler:
Mo cun collavurar vegn ins da sa far udir en il martgà turistic.
La digitalisaziun na fa betg pausa, spezialists da marketing ston tschertgar permanent novas ideas per restar attractivs. Mintga singula regiun n’avess betg la pussaivladad finanziala dad engaschar persunas, perquai èsi tenor il president fitg impurtant da collavurar ensemen.
Era en il ravugl dal cussegl administrativ resta quai in tema, era suenter 10 onns fusiun, ma il president Ludwig Jenal sa vul s'engaschar era en l'avegnir per ina ferma cuminanza.
Martina Hollenstein ha desditg la plazza
La directura Martina Hollenstein banduna la destinaziun. Tenor Ludwig Jenal han ins engaschà ina firma externa cun la tschertga. Els prevesan d’infurmar la mitad da zercladur tgi che daventa nova o nov directur/a da la TESSVM SA.