Siglir tar il cuntegn

Header

cuntegn

Radunanza generala UdG «Uniun dals Grischs» u forsa tuttina auter

La radunanza 2020 aveva incumbensà a la suprastanza da reponderar sche il num «Uniun dals Grischs» dess vegnir midà

Il president da l’Uniun dals Grischs, curt UdG ha infurmà a la radunanza generala 2021 da vulair engaschar a perits per evaluar sche il num che exista dapi sia fundaziun dal 1904 è anc adequat al temp dad ozendi. Ils davos 30 onns hajan ins tematisà questa tractanda per la 5avla giada, uschè il president. La gronda maioritad ch'era preschentà a la radunanza generala, che a gì lieu a Zernez en il Auditori dal Parc Naziunal, era da l’avis da laschar il num existent.

Il president vul ina decisiun finala

Il president ha infurmà da vulair engaschar a perits per sclerir e far ina proposta. Ina cumissiun dess ussa sa deditgar al tema e far ina proposta finala a la proxima radunanza generala 2021.

Ulteriuras tractandas

La radunanza generala ha ultra da quai consentì il quint annual 2020 cun in pitschen gudogn da 12’800 francs. Per la proxima perioda d’uffizi da quatter onns è Hermann Thom vegnids elegì sco president. En la suprastanza èn vegnids elegids Romedi Conradin e Duri Denoth (fin qua), Victoria Mosca e Martina Shuler (nov).

audio
Per tadlar curt e cumpact
01:09 min, Novitads dals 19.06.2021.
laschar ir. Durada: 01:09 minutas.

RTR novitads

Artitgels legids il pli savens

Scrollar a sanestra Scrollar a dretga