In midament dal num n’era betg previs ed era betg tractandà per la radunanza generala da l’Uniun dals Grischs a Zernez. Perquai poi dar ina midada dal num il pli baud suenter la proxima radunanza l’avrigl 2021.
Novs tschentaments
Ils 15 commembers preschents han dentant approvà la nova legislaziun da l’Uniun dals Grischs. Quella aveva ina gruppa da lavur elavurà durant ils ultims dus onns. Nov datti commembers che pajan ina contribuziun annuala da 25 francs l’onn.
Pronts per la digitalisaziun
Fin uss era mintgin commember da l’Uniun dals Grischs, ch’era en possess d’in Chalender Ladin actual. Cun la commembranza haja l’uniun finalmain er ina survista dals commembers e possia uschia er s’adressar als Ladins, tut tenor er sin via digitala, uschia l’argumentaziun principala.
Suenter avair approvà il rendaquint 2019 ed il preventiv 2021 da l’Uniun dals Grischs, han ils preschents er discus davart la strategia da la Lia Rumantscha ch'è en consultaziun. Surtut il giavisch da stgaffir ina basa legala per garantir er en avegnir ina scolaziun rumantscha als gimnasis è vegnì numnà pliras giadas.
Causa la limitaziun dal temp d’uffizi, dovra l’Uniun dals Grischs per l’onn proxim novs commembers en suprastanza.
