A l'ur da la fracziun da Lü sa chatta la chasa «Lü Stailas», là nua ch'igl è vegnì observà sur onns las stailas. Dapi onns e quella chasa, en possess da la vischnanca, stada vida. Ussa è quella vegnida vendida.
Quella chasa n’era betg interessanta per il diever communal e chaschunava sulettamain custs, jau sun cuntenta che quella è vegnida vendida.
Plinavant ha la radunanza communala da la Val Müstair consentì duas adattaziuns dal plan da zonas. Ina giada ina correctura da la pista en la regiun da skis Minschuns e la segunda a reguard il plan da zonas en connex cun segundas abitaziuns.
La radunanza ha era consentì in ulteriur credit da 650’000 francs per la sanaziun dal letg dal flum tras la Val Vau. Quella sanaziun vegn a custar totalmain 1,6 milliuns francs.