Siglir tar il cuntegn

Header

cuntegn

Ramosch Ils chauns dastgan bublar vinavant

La Clinica Alpina SA ha surprendì l’entschatta 2022 la pensiun da chauns a Ramosch. Cun quai è l’avegnir da la pensiun ch'exista gia dapi 25 onns garantida. La nova manadra è Jennifer Filli.

Pensiun da chauns a Ramosch
Legenda: Pensiun da chauns a Ramosch RTR, Georg Luzzi

La nova manadra – Jennifer Filli

La giuvna tgirunza d’animals diplomada Jennifer Filli è da nov la manadra da la pensiun da chauns a Ramosch. Ella ha fatg il giarsunadi a Ramosch, ha lura però bandunà l’Engiadina. Perquai che la pensiun da chauns è adina stada ferm a cor ad ella, ha ella decis da returnar.

Actualmain lavuran quatter collavuraturas e collavuraturs en la pensiun da chauns. Els porschan alloschi per radund 60 chauns, sco era divers giats. Ina da las finamiras da Jennifer Filli è da porscher en l'avegnir puspè ina plazza da giarsunadi en ses manaschi.

audio
Pensiun da chauns a Ramosch - ils chauns astgan bublar enavant
aus Actualitad vom 20.01.2022.
abspielen. Laufzeit 2 minutas 38 Sekunden.

La nova possessura – Clinica Alpina SA

Il schaner 2022 ha surprendì la Clinica Alpina – sut la batgetta da Dr. Benjamin Biner – la pensiun da chauns. La Clinica Alpina fa part a la Vet Trust, ina gruppaziun da veterinaris cun radund 30 praticas en Svizra.

La pensiun da chauns a Ramosch aveva avert sias portas il 1996. Belinda Conradin ha manà quel durant blers onns cun grond success. Ussa ha ella decis da surdar en novs mauns il manaschi. Cun la Clinica Alpina e la nova manadra Jennifer Filli ha ella chattà ina soluziun.

RTR actualitad 12:00;

Artitgels legids il pli savens

Scrollar a sanestra Scrollar a dretga