La Fundaziun svizra per la protecziun da la cuntrada ha lantschà il project da refar ina part dals vegls chanals d’aua. Quels existivan avant decennis sin ils munts sur Ramosch.
Ils chanals en lain
Ina simpla construcziun, in’aissa grossa da laresch sco fund, duas paraids e mintga per meters ina traversa che tegna ensemen la construcziun. Cun quests chanals han ils perdavants sauà lur prada enturn il vitg.
Ils chanals – ina part da l’istorgia da Ramosch
Ils chanals da lain avevan ina fitg gronda impurtanza per il vitg. Ramosch tutga tar quels vitgs nua ch'i plova il pli pauc en cumparegliaziun cun l'ulteriura Svizra. Per far ina buna racolta stuevan ils purs ramassar l’aua en regiuns sin 2’600 meters sur mar. L'aua vegniva lura manada en chanals fin giu sin la prada sin 1’200 meters.
Cun quest project vulan Ramosch e la Fundaziun svizra per la protecziun da la cuntrada preservar l’istorgia dals chanals da lain. Quest stgazi na duai betg ir en emblidanza.
RR actualitad 07:00